Listvinafélag Hallgrímskirkju stendur fyrir hádegistónleikum með íslenskum organistum alla fimmtudaga í sumar frá 25. júní – 20. ágúst undir heitinu ORGELSUMAR Í HALLGRÍMSKIRKJU 2020.
Á tónleikum sumarsins gefst áheyrendum kostur á að heyra 9 íslenska organista, sem starfa við kirkjur víða um land, leika listir sínar í Hallgrímskirkju.

Á fimmtu tónleikum Orgelsumarsins fimmtudaginn 23. júlí kl. 12.30 leikur Kitty Kovács Trio en passacaille eftir A. Raison, Passacaglia BWV 582 eftir J.S. Bach, Evening song eftir Z. Kodály, Allegretto eftir A. Guilmant og Choral-Improvisation eftir Ch. Tournemire.

Kitty Kovács er fædd í Győr í Ungverjalandi árið 1980 og útskrifaðist árið 2003 frá tónlistardeild Széchenyi István háskólans þar í borg með diplómu í píanó- og kammertónlist. Eftir útskriftina starfaði hún sem undirleikari í Győr og lagði síðan stund á undirleikaranám við Ferenc Liszt Akademíuna í Búdapest. Á námsárum sínum vann hún í píanókeppnum, m.a. árið 1997 í Salt Lake City og árið 2000 varð hún í 3. sæti í Chopin keppninni. Kitty kom til Íslands árið 2006 og hefur starfað sem píanókennari og organisti, frá árinu 2011 hefur hún verið kirkjuorganisti við Landakirkju í Vestmannaeyjum og kennari við Tónlistarskóla Vestmannaeyja. Frá árinu 2012 hefur Kitty stundað orgelnám við Tónskóla þjóðkirkjunnar og vorið 2017 lauk hún kantorsnámi þaðan. Ári síðar lauk hún þaðan námi í einleiksáfanga.

Aðgangseyrir er 1500 krónur fyrir fullorðna, ókeypis fyrir félaga í Listvinafélaginu og börn yngri en 16 ára. Miðasala er við innganginn.

20/07/2020
Kitty Kovács

Kitty Kovács leikur á fimmtu tónleikum ORGELSUMARS 2020 fimmtudaginn 23. júlí kl. 12.30

Listvinafélag Hallgrímskirkju stendur fyrir hádegistónleikum með íslenskum organistum alla fimmtudaga í sumar frá 25. júní – 20. ágúst undir heitinu ORGELSUMAR Í HALLGRÍMSKIRKJU 2020. Á tónleikum […]
01/07/2019
Johannes Skoog - Concert organist from Sweden

Johannes Skoog, ung orgeglstjarna frá Svíþjóð leikur á tónleikum helgarinnar 6. og 7. júlí.

Alþjóðlegt orgelsumar í Hallgrímskirkju. Laugardagur 6. júlí kl. 12.00 Johannes Skoog flytur verk eftir Marcel Dupré, Jehan Alain og Maurice Duruflé. Miðasala opnar kl. 11.00 en […]
27/06/2019
Finnbogi Pétursson

Tónverkið Tímaeining í Ásmundarsal 27. júní 2019 kl. 20:30 í tengslum við sýningu Finnboga Péturssonar YFIR OG ÚT

Tónverkið TÍMAEINING – Halldór Eldjárn Ásmundarsal 27. júní kl. 20:30 Frumflutningur Tónverkið Tímaeining í Ásmundarsal 27. júní kl. 20:30. Tónverkið Tímaeining eftir Halldór Eldjárn verður flutt í […]
14/12/2018
JÓLATÓNLISTARHÁTÍÐ Í HALLGRÍMSKIRKJU 2018

Í nálægð jóla- orgeltónleikar með Láru Bryndísi Eggertsdóttur

Jólatónlistarhátíð í Hallgrímskirkju 2018. Klais orgel Hallgrímskirkju var vígt 13. desember 1992 og hefur sú skemmtilega hefð skapast að halda jólatónleika með orgelinu kringum vígsluafmælisdag orgelsins. […]