360 DAGAR Í GRASAGARÐINUM
myndlist í fjögurra alda minningu Hallgríms Péturssonar í forkirkju Hallgrímskirkju.
Sýningin er unnin fyrir Listvinafélag Hallgrímskirkju.
Listamaðurinn Sigtryggur Bjarni Baldvinsson og rithöfundurinn Steinunn Jóhannesdóttir spjalla út frá verkum sýningarinnar.
Sýningin samanstendur af um 80 ljósmyndum sem mynda saman eitt verk sem sprettur upp úr hugleiðingum eða umþenkingum um líf Hallgríms Péturssonar. Ljósmyndirnar eru allar teknar í frjósömum bakgarði í Brighton á suðurströnd Englands.
Þar er líf Hallgríms sett í samhengi við þá hringrás náttúrunnar sem sjá má myndgerast í skrúðgarði á 360 dögum.
Þar renna saman myndir venjulegs skrúðgarðs, Getsemane og Edens, Hallgríms Péturssonar, Jesú og óbreyttrar mannskepnunnar.
Sýningin er á vegum Listvinafélags Hallgrímskirkju og sýningarstjóri er Þóra Sigurðardóttir.
Kaffiveitingar verða í boði í suðursal kirkjunnar.
Allir hjartanlega velkomnir!
