21. maí sunnudagur kl. 12.15

„Fimmhundruð naglar“.

Opnun myndlistarsýningar í forkirkjunni við messulok.

Grétar Reynisson, sem er bæði þekktur sem myndlistarmaður og leikmyndahönnuður, sýnir ný verk tengd 500 ára afmæli siðbótar Lúthers.

Um sýninguna segir listamaðurinn: “Þetta er framhald af fyrri verkum undanfarinna ára tengt söfnun, talningu og skráningu. Hef t. d. unnið að verkefni sem hófst 1. janúar árið 1997 sem er eins konar vaxtarverkefni, eða „work in progress“, sem hefur að meginþema tilvistarlega skráningu tímans. Verkið Fimmhundruð naglar sem er unnið fyrir Hallgrímskirkju er annars vegar mótað af tímatalinu eins og við mælum það í dögum, vikum, mánuðum og árum. Hins vegar er það mótað af tilvistarlegri upplifun tímans og sjónrænni framsetningu þessarar upplifunar.“

Sýningin stendur til 20. ágúst.

Sýningarstjóri er Rósa Gísladóttir. Ókeypis aðgangur-allir velkomnir!