ALÞJÓÐLEGT ORGELSUMAR

24. júní til 20. ágúst

KLAIS ORGELIÐ 25 ÁRA

Þessir vinsælu og mjög vel sóttu sumartónleikar, sem nú eru haldnir 25. sumarið í röð halda áfram að laða að sér afburða orgelleikara frá mörgum þjóðlöndum! Tónleikarnir eru alla sunnudaga kl. 17.00 (60 mínútur) og alla fimmtudaga og laugardaga kl. 12.00 (30 mínútur).

Á Alþjóðlegu orgelsumri 2017 koma fram konsertorganistar í fremstu röð frá ýmsum löndum m.a. Frakklandi, Þýskalandi, Sviss, Danmörku og Íslandi og má þar nefna Olivier Latry, Notre Dame Paris og Shin- Young Lee, Kórea; Willibald Guggenmus, dómkirkjunni í St. Gallen; Sophie- Veronique Chaplan, St. Sulpice Paris; David Cassan, 1. verðlaunahafinn í Alþjóðlegu orgeleinleikarakeppninni í Chartre í Frakklandi 2016, Bine Bryndorf, einn eftirsóttasti konsertorganisti Danmerkur o fl.

Hádegistónleikar Schola cantorum eru alla miðvikudaga kl. 12.00, en kórinn syngur fjölbreytta efnisskrá með þverskurði af efnisvali kórsins gegnum árin. Kórinn býður upp á kaffi eftir tónleikana, en sú nýbreytni vakti mikla lukku á sl. sumri!

Í hádeginu á fimmtudögum verða orgeltónleikar undir yfirskriftinni Orgel +, þar sem leikið verður á Klais orgelið í samleik við önnur hljóðfæri eða með einsöngvurum. Íslenskir organistar bera uppi fimmtudagstónleikana.

Sérprentuð Dagskrá Alþjóðlegs orgelsumars verður birt vorið 2017.

Aðgangur að Alþjóðlegu orgelsumri er ókeypis fyrir félaga í Listvinafélagi Hallgrímskirkju.