Alþjóðlegt orgelsumar í Hallgrímskirkju 2019

Fimmtudagur 8. ágúst kl. 12.00 – 12.30

Guðný Einarsdóttir organisti Háteigskirkju leikur verk eftir Felix Mendelssohn, Atla Heimi Sveinsson, Báru Grímsdóttur og Jón Nordal.

Miðaverð 2500 kr

Guðný Einarsdóttir stundaði píanónám frá unga aldri og lauk prófi frá Tónlistarskólanum í Reykjavík og orgelnámi frá Tónskóla Þjóðkirkjunnar. 

Hún lauk kirkjutónlistarnámi frá Tónlistarháskólanum í Kaupmannahöfn. Samhliða náminu stjórnaði hún kammerkórnum Stöku, en hún er ein af stofnendum hans. Að loknu námi í Kaupmannahöfn var Guðný organisti danska safnaðarins í París en samhliða starfinu stundaði hún framhaldsnám í orgelleik. 

Guðný hefur komið fram á Íslandi og erlendis sem einleikari, meðleikari og kórstjóri. Hún gegnir nú stöðu organista við Háteigskirkju í Reykjavík. 

Fimmtudaginn 8. ágúst kl. 12.00

Felix Mendelssohn 1809-1847 

Sónata í B-dúr op. 65 nr. 4 Allegro con brio 

Andante religioso Allegretto Allegro maestoso 

Atli Heimir Sveinsson 1938-2019 

Intermezzo úr Dimmalimm 

Bára Grímsdóttir 1960- 

Engladans 

Jón Nordal 1926- 

Tokkata