Listvinafélagið í Reykjavík 42. starfsár – UMBRA – Sígildir sunnudagar

Á þessum tíu ára afmælistónleikum UMBRU, í samstarfi við Listvinafélagið í Reykjavík, er áheyrendum boðið upp á veislutónlist miðalda og íslenskan þjóðlagaarf í fjölbreyttum útsetningum. Tónleikagestir verða leiddir í gegnum ferðalag þar sem mætast pílagrímar og farandsveinar, drykkju- og maríusöngvar, kóngafólk og heimasætur. Ennfremur verður flutt glæný tónlist sem hljómsveitin vinnur nú að út frá fornum erindum Völuspár.

Sérstakir gestir á þessum tónleikum eru góðvinir UMBRU og framúrskarandi íslenskir tónlistarmenn sem hafa starfað með hljómsveitinni síðastliðin ár og m.a. spilað á plötum hljómsveitarinnar: Úr myrkrinu, Llibre vermell og Bjargrúnum.

Tónlistarhópinn UMBRA skipa:

Alexandra Kjeld kontrabassi, lyklaharpa, söngur

Arngerður María Árnadóttir keltnesk harpa, indverskt harmóníum, söngur

Guðbjörg Hlín Guðmundsdóttir fiðla, langspil, söngur

Lilja Dögg Gunnarsdóttir söngur, slagverk, flautur

Sérstakir gestir

Þórdís Gerður Jónsdóttir selló, söngur

Matthias M.D. Hemstock slagverk

Kristofer Rodriguez slagverk

Eggert Pálsson slagverk, flautur

CANTORES ISLANDIAE sönghópur

Ágúst Ingi Ágústsson leiðari

Atli Freyr Steinþórsson

Gunnar Haraldsson

Jonas Koesling

Pétur Nói Stefánsson

Þorgrímur Þorsteinsson

Þórarinn Arnar Ólafsson

Tónlistarhópurinn UMBRA hefur starfað frá árinu 2014 og hefur fyrst og fremst einbeitt sér að miðaldatónlist og íslenskum þjóðlögum. Umbra hefur sent frá sér fjórar plötur hjá Dimmu útgáfu og hlaut Íslensku tónlistarverðlaunin árið 2018 fyrir jólaplötuna „Sólhvörf“. Nýjasta platan „Bjargrúnir“ frá 2022, sem beinir kastljósinu að íslenskum þjóðlagaarfi, var gefin út í 10 löndum Evrópu á vegum Nordic Notes útgáfunnar.

Á síðustu árum hefur hópurinn spilað erlendis í síauknum mæli þar sem áhugaverð og frumleg nálgun hópsins í lagasmíðum og útsetningum hefur vakið athygli. Framundan eru tónleikaferðir til Kína, Frakklands, Indlands og Þýskalands. Hópurinn hlýtur Listamannalaun á seinni hluta árs 2024.

Miðasala á harpa.is & tix.is- miðaverð 4900/ 4400 kr.